Contraste
Reducir letra
Aumentar letra
Centro de Relevo
Ma kuagro ri Konsejo ri Estaro atá ndá enu un salude ri bienbenió. A má pagina web ri suto, ri rónde bo atá topetá má fecha ri má maraña suto, ai memo tá ma desisió ku juisio ri suto kumo gue ma kanale ri a tensio si suto
Asina memo suto kele nda á enu pa ke bo sabeba kumo suto gue, kúmo súto sé asé ma plana suto é ronde suto atá andi má etruttura ri justisia generá.
Andi Kolombia má pole judisiá a ten trílingo kankamaján prinsipa:
A má kuagro di Kotte Kontitusiona ele gue ke se defende má Kotitusio Politika- Má kuegro ri Kotte Supremo ri Judisia ke ane se rebisa ma kusa ke sabeba ase kumo ma attuasione, bentioriyo, é ma kompotamiento lendro ngende pa ane repeta ma nomá legale é ma kuagro ri Konsejo ri Etaro ke a ten ndo maraña ku juisio:
-Nda konsejo á ma kankamaján ri má Republika e ma kapitante ri ele ke gue ma minitro kuandi ele teneba un nduda ri kumo asé u kumo aplika un noma.
-Ele aten ke tene má ojo penene ensima ri autorida ri changurle ri ngobeno, kumo gue má chechelo, ma chechelo ngande ke gue ejesito, má kuagro autonomo ri región, ma registrauría ri nasio ke senda ri etaro sibi, asina memo kumo utto pa ke ane kumpla ku ma tarea ane.
Ma kuagro ri Konsejo ri Etaro senda ke poleba justisia á to ma changuele ri autorida ke asé representa má ngobeno.
Má kuagro ri Konsejo ri Etaro a ta fomaó po ángongui magritrao, kulingó ri ane gue má konsejero ri má kankamajan ri má Republika e di má ministro e nkangaraingo magistrao ke senda ma kapitante é juese ke se jusga ma kusa ke ane se asé.
Pa ke má kuagro ri Konsejo ri Etaro poleba desama un brotokolo ke teneba aggú moná o ngende, o autorida publiko ane ten ke aselo po demanda o asi ori tutela, ri to ngende o ri kuagro, ma kuale ane poleba representa ku nyula ri má defonseria ri pueblo.
Má kuagro ri Konsejo ri etaro atá pa sibi e nyula á to ma ngende ri má Nasio moná é ngande ngande, ele ten ke regla ke asé chitia ku asunto elé pole resolbe e nyulá.
E kuale poleba se desisio ri utto juese. Má Kuagro ri má Konsejo ri Etaro a pronunsia andi má kaso ke aten relasio ku kumunirá indígena é afro pa proteje ma tiela ri ele ke ane asé kunsiderá kumo tiela ansestral ri kumunirá etniko. Asina memo, ta rekonose kumo kusa ngande e andi kumunirá kumo ufisiá ma juriprudensia indígena, afro, raizal e palenquera; lendro tiela ri ane. Ma Konsejo ta kumpone kunsulta previo ku má kankamaján ri má kuminirá indígena é afro ansina memo tené ojo penene andi ma elesio ri ma representante ri ane lande ma Kongreso ri ma Republika, asina gue kumo andi ma utto.
Bo polebá tambie baé pa má kuagro ri Konsejo ri Etaro kuandi bo ten un duda ó brotokoló ku aggú entirá ri ma Etaro, ma juriprudensia suto poleba sé kunsutao andi ma línea é ma kanale suto ri atensio ke atá andi to tembo pa nyula asina memo nda to ma detaye ke bo kele
